വയനാട് ഉരുള്‍പൊട്ടല്‍ ദുരന്തത്തെ കേരളം ഒറ്റക്കെട്ടായി അതിജീവിക്കുകയാണ്. രക്ഷാപ്രവര്‍ത്തനത്തില്‍ സംസ്ഥാന സര്‍ക്കാര്‍ ഫലപ്രദവും ഏകോപിതവുമായി ഇടപെടുന്നുണ്ട്. എല്ലാ വിഭാഗം ജനങ്ങളും അവരുടേതായ രീതിയിൽ ഇക്കാര്യത്തില്‍ പങ്കാളികളാകുന്നുമുണ്ട്. വയനാട്ടിന്റെ പുനരധിവാസ പ്രവർത്തനത്തിന്‌ സാമ്പത്തിക സഹായം ആവശ്യമാണ്. ഇതിനായി മുഖ്യമന്ത്രിയുടെ ദുരിതാശ്വാസ ഫണ്ടിലേക്ക്‌ സംഭാവന ചെയ്യണമെന്നാവശ്യപ്പെട്ട്‌ സിപിഐ എം ആഗസ്റ്റ് 10, 11 ദിവസങ്ങളിൽ ക്യാമ്പയിൻ സംഘടിപ്പിക്കും. വയനാടിന് കൈത്താങ്ങായി സിപിഐ എം സംസ്ഥാന കമ്മിറ്റി മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ നൽകിയിരുന്നു. സിപിഐ എം തമിഴ്നാട്, ത്രിപുര സംസ്ഥാന കമ്മിറ്റികൾ മുഖ്യമന്ത്രിയുടെ ദുരിതാശ്വാസ നിധിയിലേക്ക് നേരത്തെ 10 ലക്ഷം രൂപ വീതവും നൽകിയിരുന്നു.
