കോൺഗ്രസ് നേതാക്കൾ അവരുടെ മക്കളെ പോറ്റിവളർത്തുന്നത് ബിജെപിക്ക് ദാനം നൽകാനാണോ? കഴിഞ്ഞ ദിവസം ബിജെപിയിൽ ചേർന്നയാൾ ഈ പട്ടികയിൽ അവസാനത്തേതല്ല. വിലപേശൽ നടത്തിയവരും വില ഉറപ്പിച്ചവരും പറ്റിയ സമയത്ത് മാറാമെന്ന് വാഗ്ദാനം ചെയ്തവരും ഇനിയും കോൺഗ്രസിലുണ്ട്.
എല്ലിൻകഷ്ണം കണ്ടാൽ ചാടി വീഴുന്നവരായി കോൺഗ്രസ് മാറി. കെപിസിസി ജനറൽ സെക്രട്ടറിയായിരുന്നയാളും ഐടി സെൽ കൺവീനറും ബിജെപിയിലെത്തി. വേണ്ടിവന്നാൽ ബിജെപിയിലേക്ക് പോകുമെന്ന് പരസ്യമായി പ്രതികരിച്ചയാളാണ് മറ്റൊന്ന്. ആർഎസ്എസ് ശാഖയ്ക്ക് സംരക്ഷണം നൽകിയെന്ന അവകാശവാദം വെറും വീമ്പ് പറച്ചിലല്ല. കണ്ണൂരിൽ ബിജെപി സ്ഥാനാർത്ഥിയായി മത്സരിക്കുന്നത് രണ്ടര വർഷം മുമ്പ് ധർമ്മടത്ത് കൈപ്പത്തിയിൽ മത്സരിച്ചയാളാണ്.
കോൺഗ്രസിൽ ഇപ്പോൾ രണ്ട് കൂട്ടരാണ്. കോൺഗ്രസിൽ നിന്ന് ബിജെപിയിലേക്ക് പോകാൻ തയ്യാറെടുക്കുന്നവരും കോൺഗ്രസിൽ നിന്ന് ബിജെപിക്ക് വേണ്ടി പ്രവർത്തിക്കുന്നവരും. അടുത്ത ലോക്സഭാ തെരഞ്ഞെടുപ്പ് ബിജെപിക്കെതിരായ സമരം മാത്രമല്ല. ബിജെപിയെ അനുകൂലിക്കുന്ന അവസരവാദികൾക്കെതിരായ സമരംകൂടിയാണ്.
