സിപിഐ എം തലശ്ശേരി ഏരിയ കമ്മിറ്റി അംഗവും തലശ്ശേരി നഗരസഭ വൈസ് ചെയർമാനുമായ സ. വാഴയിൽ ശശിയുടെ നിര്യാണത്തിൽ അനുശോചനം രേഖപ്പെടുത്തുന്നു. അര നൂറ്റാണ്ട് കാലം തലശ്ശേരിയിലെ സാമൂഹിക സാംസ്കാരിക രാഷ്ട്രീയ രംഗത്ത് നിറസാന്നിധ്യമായിരുന്നു സ. ശശി. ബീഡി തൊഴിലാളിയായി ജീവിതം ആരംഭിച്ച അദ്ദേഹം ബാലസംഘത്തിലൂടെയാണ് സംഘടനാ രംഗത്തേക്ക് കടന്നുവന്നത്. പാർടി തിരുവങ്ങാട് ലോക്കൽ കമ്മിറ്റി സെക്രട്ടറിയായി ദീർഘകാലം പ്രവർത്തിച്ച അദ്ദേഹം തലശ്ശേരിയിലെ സഹകരണ പ്രസ്ഥാനത്തിന്റെ വളർച്ചയിൽ മുഖ്യ പങ്ക് വഹിച്ച സഖാക്കളിൽ ഒരാളാണ്. നഗരസഭ വൈസ് ചെയർമാൻ എന്ന നിലയിൽ തലശ്ശേരിയുടെ സമഗ്ര വികസനത്തിനായി ക്രിയാത്മകമായി ഇടപെടാനും അദ്ദേഹത്തിനായി. സംഘടനാ രംഗത്തും ഭരണരംഗത്തും നിശ്ചയിച്ച ചുമതലകൾ കൃത്യമായി നിർവഹിച്ച സഖാവിനെയാണ് നഷ്ടമായത്. വിവിധ ഘട്ടങ്ങളിൽ എതിരാളികളുടെ കടന്നാക്രമണത്തിന് വിധേയനായിട്ടും കൂടുതൽ കരുത്തോടെ മുന്നോട്ട് സഞ്ചരിച്ച സ. വാഴയിൽ ശശിയുടെ വേർപാട് നികത്താനാകാത്ത നഷ്ടമാണ്. അദ്ദേഹത്തിന്റെ കുടുംബാംഗങ്ങളുടെയും പാർടി സഖാക്കളുടെയും ദുഃഖത്തിൽ പങ്കുചേരുന്നു.
പ്രിയ സഖാവിന് അന്ത്യാഭിവാദ്യം അർപ്പിച്ചു.
