ഫിഡൽ കാസ്‌ട്രോയും സഖാക്കളും മൊങ്കാഡ ബാരക്കിൽ നടത്തിയ ആക്രമണത്തിൻ്റെ 71-ാം വാർഷികവും ചെഗുവേരയുടെ ഇന്ത്യാ സന്ദർശനത്തിൻ്റെ 65-ാം വാർഷികവും പ്രമാണിച്ച് 'നാഷണൽ കമ്മിറ്റി ഓഫ് സോളിഡാരിറ്റി വിത്ത് ക്യൂബ ഇൻ ഇന്ത്യ' യോഗം സംഘടിപ്പിച്ചു. സിപിഐ എം ജനറൽ സെക്രട്ടറി സഖാവ് സീതാറാം യെച്ചൂരി ഉൾപ്പെടെയുള്ള സഖാക്കൾ പങ്കെടുത്തു. ഇക്വഡോറിൻ്റെ മുൻ വിദേശകാര്യ മന്ത്രി ഗില്ലൂം ലോംഗ്, ഇന്ത്യയിലെ റിപ്പബ്ലിക് ഓഫ് ക്യൂബയുടെ എംബസി ചാർജ് ഡി അഫയേഴ്സ് അബല്ലെ ഡെസ്പെയിൻ എന്നിവർ യോഗത്തിൽ സംസാരിച്ചു. വ്യാജ ആരോപണങ്ങൾ ഉന്നയിച്ച് ക്യൂബയെ കരിമ്പട്ടികയിൽപെടുത്തിയ അമേരിക്കയുടെ നടപടി അവസാനിപ്പിക്കാൻ അന്താരാഷ്ട്ര സമ്മർദം ശക്തമാകണമെന്ന്‌ യോഗം ആവശ്യപ്പെട്ടു.
