ഏക സിവിൽ കോഡ് കൊണ്ടുവരുന്നതിലൂടെ മുസ്ലിംവിരുദ്ധതയാണ് ഭരണകൂടം മുന്നോട്ടുവയ്‌ക്കുന്നത്. കർണാടക തെരഞ്ഞെടുപ്പിലെ ബിജെപിയുടെ തോൽവിക്കു പിന്നാലെയാണ് ഏക സിവിൽകോഡ് മുന്നോട്ടുവയ്‌ക്കുന്നത്. ഇന്ത്യയെന്ന ബഹുസ്വര സമൂഹത്തിൽ ഈ നിയമം നടപ്പാക്കുന്നതിന് പരിമിതിയുണ്ട്. അടുത്ത ലോക്‌സഭാ തെരഞ്ഞെടുപ്പ് ലക്ഷ്യമിട്ടാണ് ഇത്തരം നീക്കം. ഇത് രാജ്യം ശിഥിലീകരിക്കപ്പെടാൻ ഇടയാക്കും. ദേശീയ പ്രസ്ഥാനത്തിന്റെ നന്മകളിൽ ഒരുപങ്കുമില്ലാത്ത സംഘപരിവാർ നയിക്കുന്ന ഭരണകൂടം മനുഷ്യത്വരഹിതമായാണ് പെരുമാറുന്നത്. ജനങ്ങളെ ഭിന്നിപ്പിക്കുകയല്ല, ഒന്നിപ്പിക്കുകയാണ് ഒരു ഭരണകൂടം ചെയ്യേണ്ടത്.
