സിപിഐ എം പോളിറ്റ് ബ്യൂറോ പുറപ്പെടുവിക്കുന്ന പ്രസ്താവന
__________________________________
അടുത്ത കാലത്തുണ്ടായ ഏറ്റവും വലിയ അപകടത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങളുടെ ദുഃഖത്തിൽ പങ്കുചേരുന്നു. മരണസംഖ്യ ഇനിയും ഉയരാതിരിക്കാൻ പരിക്കേറ്റവർക്ക്‌ ആവശ്യമായ വൈദ്യസഹായം അടിയന്തിരമായി ഉറപ്പാക്കണം.
ആദ്യം യശ്വന്ത്‌പുർ എക്‌സ്‌പ്രസ്‌ പാളം തെറ്റുകയും ഇതിലേയ്‌ക്ക്‌ കോറമണ്ടൽ എക്‌സ്‌പ്രസ്‌ ഇടിച്ചുകയറുകയും ചെയ്‌ത്‌ ആവർത്തിച്ച അപകടങ്ങൾ ഉണ്ടായതിനെ കുറിച്ച്‌ വിശദമായ അന്വേഷണം നടത്തണം. ഭയാനകമായ ഈ ദുരന്തം രാജ്യത്തെ റെയിൽവേ സുരക്ഷയെക്കുറിച്ച്‌ ഗൗരവതരമായ ചോദ്യങ്ങൾ ഉയർത്തുന്നു. മോദിസർക്കാരിന്റെ ‘റെയിൽവേ നവീകരണ' പദ്ധതികൾ റെയിൽസുരക്ഷ അവഗണിച്ചുകൊണ്ടാകരുത്.
